RÚV ókeypis fyrir auðmenn

Magnað að fjármagnseigendur landsins skuli vera undanþegnir væntanlegum nefskatti vegna Ríkisútvarpsins í frumvarpi menntamálaráðherra um hlutafélagavæðingu RÚV. Ekki gengur að skattpína þessa vesalinga sem ekkert gera nema lepja dauðann úr skel. Það er auðvitað til háborinnar skammar að þeir skuli vera skattlagðir annað borð. Ekki gengur að leggja stein í götu þeirra til þess að halda áfram að fá til landsins heimfræga tónlistarmenn til þess að skemmta sér og sínum.

Þetta er auðvitað alveg fáheyrt og særir réttlætiskennd manns. Sá ójöfnuður sem Íhaldið hefur komið hér kerfisbundið á heldur auðvitað bara áfram að aukast með aðgerðum sem þessum.