23.10.2009 | 14:08
Sérhagsmunagæslan samræmir leiftursókn gegn félagsmálaráðherra
Sjálfur hef ég hvorki lesið né heyrt ræða Árna Páls Árnasonar, félagsmálaráðherra, á ársfundi ASÍ fyrir skemmstu og er því varla dómbær á innihald hennar. Þó hef ég heyrt og lesið glefsur úr henni, sem ég kunni ágætlega að meta. En af samhæfðum viðbrögðum forkólfa álrisanna, LÍÚ, samtak atvinnulífsins og talsmanna þeirra á þingi, sjálfstæðis -og framsóknarþingmanna, má leiða líkum að því að þetta hafi verið býsna góð og innihaldsrík ræða hjá félagsmálaráðherra.
Hræðslan við að nú sé kominn ráðherra sem tekur almannahag fram yfir sérhagsmuni leynir sér ekki. Leiftursókn afla í þágu sérhagmuna í samvinnu við framlengingu þessara sömu sérhagsmunahópa á þingi er hafin gegn félagsmálaráðherra. Með samstilltu og einbeittu átaki hefur öllum þessum aðilum tekist að samræma málflutning sinn með aðdáunarverðum hætti.
Miðað við þau viðbrögð sem ræða félagsmálaráðherra framkallar hjá varðhundum sérhagsmunanna í íslensku samfélagi þá tel ég hann vel til þess að fallinn að vera framsætinu í endurreisnarstarfinu. Sú endurreisn á leiða til þeirrar grundvallarbreytingar á íslensku samfélagi að markaðurinn verði þjónn samfélagsins alls - og þess krafist að hann aðlagi sig að þörfum samfélagsins en ekki öfugt.
Á ríkisstjórnarárum Sjálfstæðis - og Framsóknarflokks var þessum hlutverkum snúið við þannig að forkólfum atvinnulífsins og markaðarins tókst að gera samfélagið og stofnanir þess - Alþingi, ríkisstjórn og stjórnkerfi - að dyggum þjónum sínum. Við urðum ginningarfífl blindrar og takmarkalausrar ofsatrúar á markaðinn og lausnir hans. Við megum ekki láta það henda okkur aftur.
En það er einmitt það sem þeir vilja, sem hæst láta núna í gagnrýni sinni á félagsmálaráðherra. Sérhagsmunahóparninr vilja halda áfram að ráða en óttast að félagsmálaráðherra muni láta illa að stjórn.
Viðbót:
Núna er ég búinn að lesa ræðuna og hún er eins og ég bjóst við, býsna góð og innihaldsrík - og ekki nema von að einhverjir ókyrrist.
Ræðuna má nálgast hér: http://www.herdubreid.is/?p=1055#more-1055
Flokkur: Stjórnmál og samfélag | Breytt s.d. kl. 14:26 | Facebook
Myndaalbúm
Færsluflokkar
Eldri færslur
- Apríl 2012
- Febrúar 2012
- Nóvember 2011
- Janúar 2011
- Október 2010
- Ágúst 2010
- Júlí 2010
- Júní 2010
- Maí 2010
- Apríl 2010
- Mars 2010
- Október 2009
- Ágúst 2009
- Júlí 2009
- Apríl 2009
- Mars 2009
- Febrúar 2009
- Janúar 2009
- Desember 2008
- Nóvember 2008
- Október 2008
- September 2008
- Ágúst 2008
- Júní 2008
- Maí 2008
- Apríl 2008
- Mars 2008
- Febrúar 2008
- Janúar 2008
- Desember 2007
- Nóvember 2007
- Október 2007
- September 2007
- Ágúst 2007
- Júlí 2007
- Júní 2007
- Maí 2007
- Apríl 2007
- Mars 2007
- Febrúar 2007
- Janúar 2007
- Desember 2006
- Nóvember 2006
Athugasemdir
Sæll Árni Rúnar. Í framhaldi umfjöllunar þinnar um ræðu félagsmálaráðherra vil ég benda þér á bloggfærslu eins bloggvinar sem bæði er athyglisverð og reyndar fyllti mig óhug. Bloggið er:
nilli.blog.is, færslan heitir: Sjávarútvegur í herkví óheiðarlegra einstaklinga. Endilega kíktu á síðuna og þá sérstaklega allt undirstrikað. Þetta eru kvótagreifarnir sem grenja hæst, enda er áróðursmaskína "Framsóknaríhaldsins" komin í fullan gang. Bestu kveðjur.
Þráinn Jökull Elísson, 23.10.2009 kl. 21:24
Vinstri grænir hafa kallað Árna Pál frjálshyggjufífl.Nú grípur hann til þess ráðs að skríða fyrir þeim með ummælum sínum um álfyrirtækin.Ef hann heldur að hann vaxi í augum þeirra með ummælum sínum þá held ég að það sé rangt.Það sjá allir í gegnum svona mann.En þú virðist sammála honum varðandi sjávarútveginn.Það á þá væntanlega við um útgerðarfyrirtækin á Hornafirði.Þú talar væntanlega af reynslu þar.Ég held að fæstir þar séu þér sammála.
Sigurgeir Jónsson, 23.10.2009 kl. 21:28
Það er aumlegt að sjá bæjarstjórnarmenn á landsbyggðinni skríða fyrir ráðherrum 101 klíkunnar.
Sigurgeir Jónsson, 23.10.2009 kl. 21:32
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.