Verður púltið stækkað fyrir bæjarráð?

Eftir orðaskak mitt við bæjarráð Hornafjarðar síðustu daga, sjá hér, hér, hér og hér, hlakka ég mest til að sjá hvernig bæjarráð mun koma fram á bæjarstjórnarfundi síðar í dag.

Mun það kyrja söng sinn saman í einum hljómfögrum kór eða mun það senda einhvern fulltrúa á vettvang til þess að tala máli sínu. 

Ljóst er, ef bæjarráð vill halda áfram að koma fram í sameinuðum kór á bæjarstjórnarfundi, að gera verður ráðstafanir til þess að því verði við komið. Þau komast ekki öll fyrir við ræðupúltið á sama tíma. 

Því kemur tvennt til greina:

a) að fjölga púltunum 

eða 

b) að stækka það sem fyrir er. 

Að örðu leyti hefur manni beinlínis hlýnað um hjartarætur að sjá hversu samstíga og sameinað bæjarráð er í því að fara ekki eftir þeim leikreglum sem það sjálft ákvað að skyldu gilda í útboðinu. 

Athugasemdir

[Sigurgeir Jónsson, 15.4.2012 kl. 16:34]

Bæjarráð Hornafjarðar skrifar í síðasta tölublað Eystrahorns.Engin undirskrift er önnur undir þessari grein en" Bæjarráð Hornafjarðar"Mig rekur ekki minni til að hafa séð grein í blaði fyrr án undirskriftar einhverrar lifandi manneskju.En kanski á einvaldurinn blaðið.